"Eskailera lagun, ilargia hartu dezagun." Antzerkhizkuntza zure laguntza !
Antzerkhizkuntzak antzerkiren hizkuntza erabiliz, ikasleen eta taldeen bilakaera bultzatu nahi du, ikasturte osoko proiektu dibertigarri honekin: Ahozkotasunari lagundu, berdintasun harremanak sustatu eta balore baikorrak zabaldu nahi ditu.
zer da ANTZERkhizkuntza
proiektua ?
Gure eskoletan eta baita curriculumaren barruan ere antzerkiaren hizkuntza zabaldu nahi duen ekintza Berrikuntza didaktikoa da. Lehen eta Bigarren Hezkuntzako ikasle askok hainbat zailtasun dituzte euskaraz egunerokoan lasai hitz egiteko
MISIOA
Ingurune seguru bat sortu nahi dugu, harreman toxikoak alde batera utzita eta proaktibitate, laguntasun, sormen eta adiskidetasun bide bat eginez. Horretarako, antzerkia proposatzen dugu, taldea sortzeko eta erronka pertsonala sortzeko prozesu gisa.
Ikuspegia
Metodologia oso aztertua, egiaztatua, optimizatua eta eraginkorra bultzatzen dugu, eskola-jazarpena, pareen arteko indarkeria, deserrotzea eta eskola-porrota prebenitzeko.
Balioak
Banakako ahaleginak talde-dinamika positiboak sortzen ditu, eta gizarte-indar horiek, aldi berean, gizarte zoriontsuak sortzen dituzte, elkarrekin harmonian bizitzeko. Harmonia honetan eskola-porrota desagertu egiten da eta arazoak konpondu egiten dira, korapilo bat askatzen den bezala, pazientziaz eta teknikaz.
HELBURU NAGUSIAK
BERDINTASUNA
HIZKUNTZA NORMALKUNTZA
ABILEZIA SOZIALAK
GAITASUN ARTISTIKOA, ANTZERKIA
Beste Arlo Batzuk
Nori zuzenduta dago proiektua?
Lehen Hezkuntzako 5 eta 6. mailetako ikasleei eta Bigarren Hezkuntzako ikasleei. Adin bakoitzak bere zehaztasun ebolutiboak dituenez, programazioa taldearen adin eta ezaugarriei egokituko zaie;
Taldearen garapen prozesua
Irakasleok berehala antzematen dugu taldearen izaera orokorra: taldea berritsua, langilea, zatitua, batua edo motibatua den. Antzerkhizkuntzan, taldea egunero lantzen dugu, taldea ezinbestekoa baita antzerkian. Antzerkia egiteko, guztiok egon behar dugu adi, eta taldean koordinatuta lan egin behar dugu. Ez dago antzerki dezente bat prestatzerik, elkarrekin eta elkarri lagunduz ez bada.
Zergatik sartzen dugu ikasketa-planean?
Antzerkhizkuntza ikaslearen eguneroko ikasgaien artean ikusten dugu, eta frogatu dugu hezkuntza formaletik abiatuta lortzen diren helburuak eta jarrerak ezin hobeak direla, ikasketa horiek borondatezkoak ez direnez, bakoitzak bere etekinak ateratzen dituela ko: lotsatiek aurre egin behar diete beren beldurrei, eta bulkadak kontrolatzeko zailtasunak dituztenek taldera moldatu behar dute.
